想免費去 HKTVMall 買嘢，或者賺少少錢，就要善用 Microsoft Rewards 喇！
每兩個月可賺到 $50 HKTVMall 現金劵。一年可以賺到 $300！完全零成本！
我定期都從 Microsoft 取得 $50 HKTVmall 現金劵
過去我一直都用來儲 Xbox PC Game Pass。但是 2025 年尾微軟將 Game Pass 加價。PC Game Pass 變成 $100，比 Game Pass Premium ($90) 還要貴。迫人轉會籍。
由於我個 PC Game Pass 去到 2026 年 11 月才到期，又見唔到轉移到 Game Pass Premium 係點計算，所以我現在轉為兌換 HKTVMall 現金劵。到年尾才重新儲分來換 Game Pass。
如何玩 Microsoft Rewards 賺分
賺分要求：一部電腦，一部手機，一個電話號碼。
- Windows 電腦 – 需要 Windows PC 安裝 Xbox App，每天打開免費的 Solitare 接龍玩 15 分鐘 (PS. 其實開住就得，不需玩的)。Mac 唔得啊！
- 手機 – 需要下載和使用 2 個 App
- Bing App。每天打開簽到，搜尋，閱讀新聞。
- XBox App。每天打開簽到，玩個小遊戲，等待電腦版玩滿 15 分鐘。
- 電話號碼 – 當累積足夠積分時，換取 HKTVmall 現金劵需要 SMS 驗證
換取 $50 HKTVMall
要換取 $50 HKTVMall 現金劵需要8340分。
賺分途徑有好多。都係想你多用微軟的 Bing Search，Xbox 服務。
Bing App:
- 每星期 7 天連續簽到可得 110 分，一個月可得 440 分。
- 每天閱讀新聞可得 30 分，一個月可得 900 分。
- 每天利用 Bing 搜尋可得 60 分，一星期計可得 1800 分。
- 使用 Bing 作為預設搜尋引擎搜尋，每月至少 14 天。一個月可得 210 分。
- 仲有一個拼圖，儲滿 12 塊拼圖額外 1000 分。大約 42 日可以得到。
XBox App:
- 每星期 5 天連續簽到可得 65 分，一個月可得 390 分。
- 玩 Jewel 小遊戲每天 5 分，一個月可得 150 分。
- 每天登入 Xbox App，可得 8 分。一個月可得 240 分。
- 每日玩 15 分鐘電腦 Game Pass 遊戲，可得 10 分 + 10 分。一個月可得 600 分。
- 每星期玩 5 日電腦 Game Pass 遊戲，一星期可得 130 分。一個月可得 520 分。
- 每星期 7 天都玩 Game Pass 遊戲 15 分鐘以上，350 分。(要累積 4 次才到上限 350 分)
- 如果每個月玩夠 4 款 Game Pass 遊戲，額外 40 分。
- 如果每個月玩夠 8 款 Game Pass 遊戲，額外 280 分。(4 款 / 8 款是分開計算)
如果有XBox 主機:
- 如果有 XBox 主機，每天玩 15 分鐘，可得 10 分。一個月可得 300 分。
- 每星期玩 5 日 XBox 主機 Game Pass 遊戲，一星期可得 130 分。一個月可得 520 分。
除了以上，仲有幾種賺分方法我並沒有寫出來，實在太多了，有點混亂。總之就係多用 Bing 的東西。記住定期查看下 Bing Rewards 主頁。
加加埋埋好快就儲到幾千分。
Bing Search 好用嗎？
我用了 Bing 幾年了，大部份的搜尋需求都能提供準確結果。它提供的結果有時候與 Google 的不一樣。
有時一些複雜的東西，我才會返回 Google 搜尋。現在更加會用 Perplexity 幫忙查資料。
Bing App (Android)
Bing App 就略為差一點。點擊結果後，它有時會錯亂，顯示了過去的搜尋結果。更新 App 都冇用。
