[中醫保健] 自然方法改善頭痛、偏頭痛~ 按摩呢四個穴位紓緩~ 減少食止痛藥!
講起頭痛呢回事, 我真係相當有經驗 >_<… 由N年前讀書時期就開始有呢個問題, 當時細個唔識咁多嘢, 一味見頭痛就食粒必理痛, 有時痛得滯仲一次過食兩粒, 確實食完無幾耐真係有效止到痛, 但長期咁食始終會傷身又傷肝! 而且食咁多西藥落肚仲會擔心傷胃傷腎嘅問題! (雖則依家必理痛廣告都會標榜成分會24小時內經尿液自然排出體外及不會殘留身體, 哈哈…) 所以, 我後來都唔想咁依賴止痛藥, 嘗試搵下其他方法止頭痛, 其中一個我覺得有效嘅方法就係按摩穴位喇! 紓緩頭痛 穴位按摩 曾經睇過有本書寫過有效減少頭痛嘅穴位多達15個, 咁多個就當然記唔晒啦, 於是經過研究後就揀咗以下呢四個重點關鍵穴位, 頭痛發作時按摩可促進血液循環, 紓緩疼痛, 平時按摩則可預防偏頭痛發生. 1. 太陽穴 太陽穴位在前額兩側, 眉尾與眼角延長出去約1吋(一個拇指寬度)的凹陷處, 以拇指或食指按摩10次, 最後稍微加重力道再按壓一次 太陽穴有祛風瀉熱, 舒緩眼睛周圍肌肉緊繃, 舒緩頭痛的功效. 最適合容易有偏頭痛、高血壓頭痛、血管性頭痛的人, 按壓舒緩效果會非常好! 2. 百會穴 位置在頭頂正中心, 可從兩耳延伸向上, 兩耳交連線和頭頂正中線的交點處.…