俗稱「電話卡實名制」嘅《電訊（登記用戶識別卡）規例》於2021年9月1日正式生效, 落實電話智能卡（SIM卡）要實名登記! 根據規例, 現行電話儲值卡 (即係太空卡) 嘅用戶必須於今年2月23日或之前完成實名登記, 否則太空卡將會於2月24日被停用. 一向有拖延症嘅我其實手上都有一張太空卡, 拖咗幾個月一路都懶得搞, 直到近排見到電視新聞都開始積極宣傳又臨近死線, 先乖乖上網搵下點樣搞, 順便寫埋呢篇分享~
Step 1: 了解自己張儲值卡係屬於邊間電訊商/電話儲值卡品牌
由於呢個實名登記係直接向電話卡所屬嘅電訊商進行登記的 (我之前曾經傻傻的以為係去政府某個網站登記), 而每個電訊商都有自己嘅電話儲值卡實名登記網頁連結, 所以第一步要先搞清楚自己張太空卡係屬於邊間電訊商又或者係邊個品牌~ 如果唔記得咗, 大家可以搵返電話卡個包裝望望, 萬一已經遺失咗或者一早掉咗, 亦可以喺裝太空卡嗰部電話睇返過往嘅短訊SMS, 相信一定搵到邊間電訊商發比你嘅!就以我為例, 我本身都唔記得咗用緊咩卡, 喺我懊惱緊嘅時候, 就喺SMS紀錄入面搵得返當初啟用張儲值卡嗰陣由電訊商SEND嚟嘅訊息~ 係講關於儲值卡嘅電話號碼, 有效期, 餘額同數據/分鐘用量嘅~
Step 2: 準備登記所需文件
個人用戶:
1) 有效及須登記的儲值卡
（預先插入電話裝置內）
2) 香港身份證/其他身份證明文件
3) (適用於16歲以下嘅用戶)
一名成人的身份證明文件
公司/機構用戶:
1) 有效及須登記的儲值卡
（預先插入電話裝置內）
2) 有效商業登記證
3) 香港身份證/其他身份證明文件
Step 3: 經電訊商網頁進行網上登記
大家可參閱 電訊商提供的電話儲值卡實名登記網頁連結 搵返自己張卡個電訊商個網頁做實名登記~ 呢個OFCA網好方使, 可以用電訊商名稱或者電話儲值卡品牌名稱嚟搜尋返要去嘅網頁連結~
又或者~ 最直接嘅方法就係睇返裝儲值卡嗰部電話嘅短訊紀錄, 大家應該會搵到一個由所屬電訊商發出嘅實名登記提示短訊~就好似我以下呢個短訊咁~ 咁就可以直接click短訊嘅登記連結去搞~
< 電話卡實名登記步驟 >
1) 插入需要實名登記嘅SIM卡, 關閉Wi-Fi 並開啟流動數據；
2) 進入所屬電訊商嘅網頁開始登記程序；
3) 如果第一步做足嘅話, 系統會自動讀取到電話號碼和ICCID, 直接確認需要進行實名登記嘅流動電話號碼和ICCID便可 [部分電訊商會向該號碼發出一次性密碼供用戶進行驗證] ；
如下圖:
如果張SIM卡因為未及時登記而導致停台, 就需要自行輸入ICCID和電話號碼進行登記.
什麼是ICCID?
ICCID 號碼代表的是 Integrated Circuit Card ID，即集成電路卡號碼，一般是 19 位或 20 位數字。
SIM卡的 ICCID 的前兩位數字是 89，代表這是來自電訊行業，因為 ICCID 號碼也同樣適用於其他的集成電路卡，例如身份證、信用卡等等。接下來是國家代碼，長度為 2 或 3 位數，香港就是852了。再接下來便是電訊網絡代碼 (MNC)，它是發行 SIM 卡的電訊網絡的識別碼，一般是 1-4 位，通過識別 MNC 號碼，我們可以得知 SIM 電話卡發行商。
哪裡可以找到ICCID?
除了在完整的 SIM 卡上可以找到之外，也可以在 nano-SIM 卡上的小號碼找到。如下圖，紅框的地方是大部份 SIM 卡都有的條碼部份，這個就是 ICCID 號碼。至於橙框的部份號碼跟紅框是一樣的，所以即使你唔見咗張大卡，也可以在 nano-SIM 上找到!
4) 選擇身份證明文件類別，拍攝身份證明文件正本並上傳影像。如擁有香港身份證，用戶必須使用其香港身份證以完成實名登記；
5) 核實系統從身份證明文件自動讀取嘅資料或輸入資料；
6) 確認相關實名登記及收集個人資料嘅聲明；
7) 完成登記/啓用程序。成功登記嘅用戶將會收到所屬電訊商發出嘅確認短訊；
8) 成功登記後, 亦可以去返電訊商登記網頁入面嘅 “查詢及管理登記狀態” (如下圖), 就可以睇到自己喺該電訊商有幾多張”已登記儲值卡”~
在實名登記制下, 個人用戶及企業用戶可向每間電訊商分別登記不多於10張及25張電話儲值卡~
可以透過其他途徑登記嗎?
除了經電訊商網頁進行網上登記之外, 亦可以到所屬電訊商門市, 18間指定郵政局和全港25個港鐵站進行登記.
18間指定郵政局地址:
https://gia.info.gov.hk/general/202301/07/P2023010600585_410157_1_1673053351315.pdf
全港25個港鐵支援站: https://gia.info.gov.hk/general/202301/07/P2023010600585_410158_1_1673053351307.pdf
